【五個理由】書生支持黃絲繼續去林鄭對話騷


書生支持黃絲市民繼續去林鄭對話騷。

第一,一定會有市民報名參加想發表意見。或許你可以叫到最激進最唔妥林鄭既人既唔去,但都必定有一淺黃或所謂中立人士去講。咁你想你去講,定佢地去講?

第二,依場「騷」再係騷都好,始終係香港重大事件。你去唔去都好,全香港幾乎所有人都會繼續望住個螢幕,想睇下特首同市民講咩好,而且事後定必熱烈討論。咁你想成個現場都係藍絲,定係黃絲?

第三,假如成個場幾乎得返藍絲市民發言,表面上似乎係更凸顯依場騷係一場騷,但個觀感效果亦可能會比人感覺原來藍絲真係「沉默大多數」,黃絲只係少數;或者比對家咁去 spin 。再一次,無論依場係唔係騷,全香港幾乎所有人都會望住直播螢幕,包括連登仔。唔係人人都好似你咁醒,完全唔受影響麻。

第四,如果幾次對話會都係多黃絲發言,好似琴日咁幾乎清一色黃,咁其實都有助振奮我軍士氣。你睇琴晚到而家幾多人讚好黃絲市民既發言。

第五,一般抵制措施,效果都唔會好得去邊,因為要確保大家全部都願意抵制先有成效,而依個門檻太高。尤其依個係公共場面,係可以好影響輿論。相反,我地將計就計,積極介入,用各種方法去迫林鄭「現形」,絕對係利大於弊。

當然,我地唔應該沉迷對話會,都要認清依個係一場騷。林鄭用意亦好明顯,就係要製造假對話空間,好顯示自己有做野有聽市民聲音。咁我地更加要出席現場,去撕破佢既假面目。

【經營困難,贊助書生100蚊】
銀行戶口:783-279938-668,香港恆生銀行, PangChit
PayMe : D232548655
PayPal:paypal.me/bacchuspang
轉數快ID: 4225793

【讚好專頁,不要錯過我的好文章 ➤ 書生百用






CONVERSATION

0 意見:

Post a Comment

PHILOSOPHY

Know Thyself