時代革命之後如何回應追不上時代的人?種出極端藍絲的土壤和肥料是什麼?

壹傳媒圖源

其實有無人覺得依張相好違和?

一個農夫臉帶樸素的笑容,拿著他的農作物,像是要高興地向人介紹他今年的收成很好。

如果遮住標題和 7.21 三個數字,書生還以為是介紹本地農作業。

壹傳媒編輯後來似乎亦察覺不妥換左張相,用返 721 陳暴打人既影片截圖做報道封面,只係原圖仍然令書生不禁想到一道問題:為什麼這樣普通的農夫,卻能變成兇殘的打手,在 7.21 拿著粗藤鞭打不認識的市民和記者?

是因為反送中運動損害了他的個人利益?還是因為政治意識形態?因為路西法效應,受到朋輩社群的渲染?還是因為他是黑社會,本身就喜好用暴力解決問題?

書生特登上 google 搵佢既資料,發現 721 前十幾日,7 月 3 日先接受經濟日報訪問。原來他種植本地西瓜已有七年,可能係本地種西瓜的第一人。然後書生又上網睇到佢介紹種西瓜的youtube 影片,完全睇唔出佢會那麼殘暴,只覺得佢真係一個好用心種瓜的大叔,但佢腥聞在上既惡行令到網民係評論度留下了「黑心西瓜」、「食死人」的留言。

當然,人係有好多面向。人前可以笑臉迎人,人後可以羅刀插人。書生唔係想講左膠野,只係想瞭解藍絲之惡的「惡」,究竟植根在哪裡,有什麼土壤和肥料令他們茁壯成長。

「種一個西瓜,需時 90 天先有收成」,咁種一個和陳志祥一樣的極端藍絲又要幾耐?幾日?一念之間?還是很多年?

據悉陳志祥自 8 月起已逃離到泰國,仲未返港,搞到咁,佢又會唔會後悔自己當初的暴行呢?

書生唔肯定佢會唔會被自己良心責備,定至今仍然同前警務處長講既一樣認為自己「無做錯到」,但佢逃得了今日,也逃不掉香港人的記憶。

不過,如果話「廢老」都係冥頑不靈,勸告無效,而且都係因時代培養出來的生存法則和價值觀念而走上今日的藍絲之路且無法回頭,咁可唔可以話他們的惡行本質上是因歷史變遷意識改變而被時代淘汰,而不是純粹的個人之惡?

如果答案是正面,我地要點回應「時代革命」之中或之後,追不上時代的人?繼續罵?繼續勸?還是等他們老死清光?

這是書生每次見到藍絲老人時都會想起的問題。

圖源:壹傳媒。
【經營困難,贊助書生100蚊】
銀行戶口:783-279938-668,香港恆生銀行, PangChit
PayMe QRCode: https://goo.gl/jMm6pw
PayPal:paypal.me/bacchuspang
轉數快ID: 4225793

【讚好專頁,不要錯過我的好文章 ➤ 書生百用






CONVERSATION

0 意見:

Post a Comment

PHILOSOPHY

Know Thyself