【認同就廣傳】停止再做黃衛兵 做返上年手足


【認同就廣傳】

書生比人質疑係藍絲、係食人血饅頭、係消費運動,好對唔住…其實自運動以來書生一直做左好多野,可以證明自己真係手足,例如……

屌!唔好玩啦,書生做左幾多野唔會交代,亦無可能公開交代!其他組織、黃店同手足一樣,都唔好再自我證明,因為真係好撚晒時間!而對家係零成本!

對唔住,書生今日要屌晒你地全部!請大家停止再做黃衛兵!唔好再無理質疑同集夥式攻擊同路人!

依兩個月已經好多批鬥,分化,愈來愈多組織同黃店頂唔順。近日程班長同「阿囝搵老豆老母」更係鬧到火紅火熱。「阿囝」係做得唔好,比個未經查證既post出左,影響到黃店程班長聲譽,一開始又完全唔負責任仲叫人道歉,依個係事實,「阿囝」亦道左歉同話會改善。後來事件發酵到兩邊公開開晒火,「阿囝」比人話係藍絲抹黑、程班長又一肚氣不斷開火插,已經係一發不可收拾既地步。最後贏既只會係當初「讀者投稿」果條撚樣,而果個撚樣好可能就係有組織既鬼。

黃衛兵加上對方既分化戰術同鬼,真係搞死愈來愈多組織同黃店。最慘係唔少組織係有經驗,有熱誠(就係因為曾經全情投入,先會有後來既心灰意冷)。比個新組織做,即使有心,又做唔做到咁純熟?

無嚴謹fact check 、手動轉同自行判斷post,依種務求快速病毒式傳播方式向來都係依場運動既主要特徵,唔少人都接受甚至有參與,而且我夠膽話係自運動以來至少七八成活躍既tg channel都有出過,其中都有大量錯漏,鬧過小風波,大家可能都知其中真偽難辨,都有人批評依種做法,但都唔會上升到鬧翻、割蓆、分化既程度。今日做咩變成死罪咁?

如果真係覺得不妥,點解唔一齊承擔一齊去反省,而只係手足錯晒自己就完美抽身站係道德高地瘋狂丟石頭?說好的共同體呢?說好的手足呢?書生仲記得當初有手足或組織做得唔好,有人批評,就會有大批網民留言代為認錯話會一齊努力改善。記唔記得堵塞機場運動做得唔靚,第二日就有大量手足係機場同唔同地方道歉?咁先係共同體,咁先有凝聚力,當時既氣魄同團結去左邊?

老實講,我地所謂黃絲,大家本身彼此信任既基礎就好柒低,好似氣球咁一督就爆,一路走來全靠極強善意既體諒、理解、同愛(沒錯,係好撚肉麻,但係事實,大家唔係愛香港愛手足,做咩鬼咁激動,會真係喊到狗屎咁?會真係嬲撚到震?),肯共同承擔,肯將手足要付既責任都扛上身。

唔岩咪改善lor ,有咩問題咪私下講,私下拆掂佢,得唔得?當初既「不完美可接受」、「不分化不割蓆」去左邊?有人煽風點火,你識做既就幫手熄火,再唔係自動收嘴冷處理,而唔係跟住撥火,基本concept,ok?

講到口臭。

人類真係好on9,大家專心出去發夢唔得閒打網戰就好撚團結。一打唔贏對方個個留係屋企防疫屎忽痕無野做就開始搞自己友,果啲大義凜然既道德標準、鳩屎態度、尖酸刻薄冷嘲熱諷既說話就開始指返向自己人。完全無進步。

人其實係好脆弱,大家都因今場運動積累左好多創傷、壓抑。同路人既無理質疑或惡意批評,哪怕係一句話,一個恥笑既emoji,都可以將對方累積落黎既情緒、疲倦一次過挑動晒出黎,仲要網絡世界往往都係一大群人起哄,點會唔爆?撫心自問,你試下受到同一堆數目既質疑、同一程度既批評,會唔會灰機?

大家都識追求正義(as社會既制度),但倫理(as與人交際、合作既方式同原則)就唔太識。最後因後失前,係唔係自己羅黎?搞散場運動既,係唔係自己?

我夠膽話今次事件如果換成係上年發生,大家都會係程班長帖文樓下代「阿囝搵老豆老母」道歉,苦勸相嗌唔好口,有咩一齊拆掂佢,咁先係我認識既手足。講到尾,做唔做得返上年既「手足」、上年既自己?

【經營困難,贊助書生100蚊】
銀行戶口:783-279938-668,香港恆生銀行, PangChit
PayMe QRCode: https://goo.gl/jMm6pw
PayPal:paypal.me/bacchuspang
轉數快ID: 4225793

【讚好專頁,不要錯過我的好文章 ➤ 書生百用






CONVERSATION

0 意見:

Post a comment

PHILOSOPHY

Know Thyself